طرح المطرب الشعبي رضا البحراوي أحدث أغانيها بعنوان «أنا الوحش» عبر قناته الرسمية عبر موقع الفيديوهات يوتيوب.

أغنية أنا الوحش رضا البحراوي 

وتعد أغنية أنا الوحش التي يرصدها تحيا مصر لرضا البحراوي من كلمات سوستة، وألحان أحمد عبده، وتوزيع محمد حريقة، وصولو بندق مزيكا، ومونتاج وإخراج طارق حسين.

كلمات أغنية أنا الوحش

اللي احنا مش في حياته

الحلو كله فاته والله يعوض عليه

ويابخته بينا يابخته اللي احنا من بخته

الحاجه داعيه ليه

الملامح اسد والقلب مش موجود

اخوك طالع من بلد مش بتجيب إلا اسود

الهيبه فينا كده كده من يومنا واحنا ملوك

اسأل عن جدعنا وعلينا هيدلوك

انا انا ياابني اتقل راس في البلد

من غير ملف ولا مستند

اسأل عليا يقولو الاسد

من يومي وانا سندال

ما بنشفش حد ودي المشكله

صورتكم في عنيا دي مبكسله

متجوش تسوقو المستهبله

مش ناقصه شغل عيال

انا الوحش ومابريحش

زوق عجلك ماتنحش

بطلها ومش ناوي ابطلها

نسخه واحده مابتكررش

طول ماانا موجود علي الارض

انتو ممنوعين من العرض

مهما عملتو او وصلتو

برضه مش بشوف فيكم حد

من جانبه، كتب رضا البحراوي عبر حسابه على فيسبوك: أول حاجة ربنا كبير أوى.. تاني حاجة أوجه الشكر لكل جمهوري اللي وقف معايا في كل النجاح.

وتابع رضا البحراوي، يا رب ابعد عني الناس المريضة والناس الصفرا اللي مش بيحبوا الخير ليا، سبوني بقى في حالي عشان أنا والله والله تعبت في الشغلانة دى أوى خليكوا في حالكوا وسيبوا الملك للمالك وشيل عينك عني.

تصريحات رضا البحراوي 

هذا وقال رضا البحراوي خلال برنامج صاحبة السعادة: حاسس بحب الناس وده بفضل دعاء والدتي ووالدتي

وتابع: غاويت الغناء من وأنا 8 سنين في طنطا أنا من طنطا منطقة شعبية كنت بغني في الحنن والشوارع، وكانوا بيوقفوني يقولوا صوتك حلو لحد ما قابلني علي عبد الستار المخرج والمنتج بتاعي وخدني، وأول شريط ليا مخدتش فلوس فيه أنا كان همي الشهرة بس وأول فرح بعد مانزل الناس شالوني فأبويا عيط.

وأضاف، أنا اشتغلت كل حاجة وأنا صغير بـ 10 و15 جنيه لأن والدي ووالدتي على قدهم ومكنش بشرب حاجة، وكان عندنا عربية مكروباص اشتغلت عليها كومسري ومكنتش بتارجيت الفن.

واستطرد: أما سبت البيت وروحت أغني والدي كان بيجي معايا دايما لحد ما تعبت ووالدي وهو على السرير قالي ربنا يرزقك عشان انت حنين على أهلك، ووالدتي بعدها تبعت تعب نفس تعب والدي وربنا يشفيها لأنها حياتي كلها، ووالدتي مرتبطة بطنطا وأما أقولها تعالي القاهرة انا مبعرفش امشي خطوة الا بيها واي حاجة تطلبها لازم أعملها.