قدمت الفنانة إيمي طلعت زكريا، نصيحة لجمهورها من خلال مقطع فيديو بحسابها الرسمي بتطبيق التيك توك.

نصيحة إيمي طلعت زكريا لجمهورها

وقالت إيمي طلعت زكريا في تصريحات يرصدها تحيا مصر: الصلاة على النبي والله العظيم سحر وعن تجربة، لما يكون عندكم حاجة عايزين تحصل أو داخلين مشروع جواز صلوا على النبي كتير. 

وتابعت إيمي طلعت زكريا: صدقوني عن تجربة أنا ولا داعية ولا شيخة، ولكن الفيديو ده  ممكن يكون حد محتاجه وأكون خدت ثواب.

تصريحات إيمي طلعت زكريا عن والدها

من جانبه، قالت إيمي طلعت زكريا خلال برنامج فيس أوف: بابا كان راجل شرقي جدا في مواعيد معينة في البيت مفيش بيات برا مفيش اطلع رحلة مع صحابي بس في نفس الوقت صاحبي جدا وكنت بحكيله عن علاقاتي او حد جاي يتقدملي وكان قريب مني جدا انا واخويا.

وتابعت: بابا كان بيعتز جدا بشنبه وكان بيعتذر عن الأعمال بسببه، كان جايله دور في مسلسل أم كلثوم واعتذر عنه بسبب ان الشخصية كانت من غير شنب".

وأضافت: ولما راح اتعالج في فرنسا بسبب الفيروس كان في غيبوبة ولما فاق لقاهم حلقوا شنبه نفسيته تعبت أكتر من ما تعب في المرض وقعد فترة متأثر جدا لحد ماشنبه طلع تاني.

واستطردت، للأسف طلعت زكريا اتكرم مرة واحدة بس بعد وفاته وكان في مسقط رأسه في اسكندرية في مهرجان بلا انتاج بحضور أشرف ذكي ومجموعة من الفنانين، تكريم الفنانين بيحسبوها بحسابات تانية انا معرفهاش بصراحة ومقدرش اتكلم فيها وانا بشوف ان تكريم طلعت زكريا من حب الناس ليه ومن بوست انا بكتبه الناس تكتب الله يرحمه ولما يشوفونا في الشارع انا واخويا يقولولنا كان راجل طيب وهو دا التكريم الحقيقي اللي انا بستناه.

واستكملت إيمي طلعت زكريا حديثها قائلة، محمد السبكي وأحمد السبكي كان من الناس اللي حطوا طلعت زكريا على اول الطريق بسبب فيلم حاحا وتفاحة، ولكن في فيلم الفيل في المنديل كان بعد الثورة وبابا كان له تصريحات معجبتش بعض الناس فكان في تهديدات للسينمات وابتدا يبقى في تهديدات للسبكي ان لو الفيلم دا نزل احنا هنولع في السينمات فطبيعي المنتج خاف على نفسه وباعه برا، والسبكي تميمة حظ لأي حد يشتغل معاهم.

تعليق إيمي طلعت زكريا على عدم دعوتها في العرض الخاص لفيلم أولاد حريم كريم

وقالت إيمي طلعت زكريا في تصريح خاص لموقع تحيا مصر: محدش دعاني على العرض الخاص للفيلم ومش هجبرهم يعملوا دا هم حرين بس أنا برضو بتمنالهم النجاح وبتمنالهم ربنا يكرمهم والفيلم يجيب إيرادات جامدة جدًا.