عنبه يعلق على حادث عصام صاصا الاخير

وتحدث عنبة خلال فيديو نشره عبر حسابه الشخصي على انستجرام: أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم، أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها.

واضافت عنبة: أنا عارف إن مفيش فلوس في الدنيا هتعوض ابنكم، ورسالتي لأهل الضحية أنا مش بلومكم في حاجة ربنا يصبركم موقف صعب أنتم مدمرين نفسيًا هنا وهو مدمرنفسيًا بس اللي عايزه أقوله هو مش بيخبط أي حد ومش بيدوس على الناس بفلوسه.

واختتم عنبة حديثه: بلاش حد يفهمكم حاجة عن الراجل اللي أنتم مش شايفين حالته بسبب الحادثة دي، الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعى للراجل، وده اسمه استغلال وتريند أبوس أيديكم يا تعزوا الناس لتسكتوا أفضل.

كان مطرب المهرجانات عصام صاصا، تسبب في وفاة شخص يدعى أحمد مفتاح يبلغ من العمر 40 سنة، وذلك بعد دهسه أعلى دائري المنيب يوم الاثنين الماضي الموافق 6 مايو الجاري.

 

يمكنك مشاركة الخبر علي صفحات التواصل