وقال حسن الرداد:«عملت فيلم اسمه تحت تهديد السلاح وهو الفيلم المصري الوحيد اللي نجح برا مصر من السبعينات وحقق 120 مليون جنيه فالحمد لله قدرت أخلي عيني على الوطن العربي كله».

وأضاف: «أنا بقيت نجم سينما وحققت إن أنا الوحيد تقريبا اللي عملت في السينما كوميدي ونجحت وعملت رومانسي ونجحت وعملت سايكو دراما ونجحت».

وتابع حسن الرداد: «أنا لست من الشخصيات التي تستدعي الذاكرة الانفعالية في تصوير مشهد بأحداث حقيقية، وأنا في مشهد عزيز محارب أقدم شخصية منفصلة ومختلفة عني، فهو شخص قادم من منطقة شعبية».

مشهد صعب 

وأشار: «هذا المشهد من المشاهد المؤثرة بطبعها، وكان المفروض أقصر، هقول كلمتين بس، لكن معرفش إيه اللي حصل، بس شبه نفس الوضع لما أمي ماتت دخلت عليها في نفس الوضع».

واختتم: «دخلت التلاجة وحبيت أقف معاها لوحدي، وأنا معاها قلت لها متفقناش على كده مالكيش حق، وفي أثناء تجسيد المشهد كان جهازي العصبي مضطرب لكن على أية حال نوعية تلك المشاهد صعبة».

يمكنك مشاركة الخبر علي صفحات التواصل